Schloap in, min Kind, de Stoow is warm.
Doa bute danzt de Flockeschwarm.
Lut suse de Flocke!
So rasch jait de Wocke!
Du schläppst - ek soenn -
de Oawend jait hen.

Schloap in, min Kind, ek wach bi di.
De Wiehnachtsschemmel joagt warbi.
Lot larme de Schemmel!
Gotts Licht stait am Hemmel!
Du schläppst - ek spenn-
De Oawend jait hen.

Sloap in, min Kind, bunt is din Droom
Rod Äppel waßt am Wiehnachtsboom.
Singt bute de Wind,
ek sing far min Kind.
Du schläppst - ek spenn -
de Oawend jait hen.

Sloap in, min Kind, 't is hillje Nacht.
Gotts Engelke di stell bewacht.
Dat glucht met sin Lichtke
di jrads im Jesichtke.
Du schläppst - ek spenn -
de Wiehnacht jait han.

Erminia von Olfers-Batocki